Каталониянинг "Барселона" клуби ҳужумчиси Лионель Месси Испания чемпионатининг 8-турида "Расинг" жамоасига қарши кечган учрашувда 3:0 ҳисобида якунланган учрашувда дубль қайд этгандан сўнг, ўзига ҳос натижа қайд этган. Унга кўра, футболчи каталонияликлар учун ўтказган охирги 100 та учрашувида 102 ва 103-чи голларини киритишга муваффақ бўлган.
АS нашри томонидан маълум қилинишича, йигирма тўрт ёшли футболчи "Барселона" клубида ўтказган учрашувлари давомида ҳар 82 дақиқада битта гол киритишга муваффақ бўлмоқда. Лионель Месси иштирок этган учрашувлардан охирги юзтасининг 62 таси Испания чемпионатида (66 та гол), тўққизтаси Испания Кубогида (еттита гол), тўрттаси Испания Суперкубогида (олтита гол), 22 таси Чемпионлар лигасида (21 та гол), битта Европа Суперкубогида ( битта гол) ва иккита учрашув клублар ўртасидаги жаҳон чемпионатида ўтказилган (иккита гол).
Шу ўринда таъкидлаб ўтиш лозим, Лионель Месси бу учрашувлар давомида тўпурарлик салоҳиятидан ташқари, голли узатмалари билан ҳам таҳсинга сазовор бўла олади. Унинг охирги юзта учрашувда амалга оширган голли узатмалари сони 38 тани ташкил қилади.
Эслатиб ўтамиз, аргентиналик футболчи Испания чемпионатининг бу йилги мавсумида еттита учрашувда майдонга тушган ва ўнта гол киритишга муваффақ бўлган.
Манба: www.sportbox.ru
