Football Club Barcelona-O'zbek Fanatlari

Гвардиола: Мен Мессидек футболчини кўрмаганман

Grand — Sat, 29 Oct 2011 10:55:16 GMT

"Барселона" клуби бош мураббийи Пеп Гвардиола жамоа ҳужумчиси Лионель Мессини ёқлаб чиқди.

Охирги пайтда аргентиналик футболчининг ўз салоҳияти даражасида ўйин намойиш этмаяпти деган чиқишлар ОАВларида кўп маротаба тилга олинаётганди.

"Месси - мутлақо бошқача футболчи. Унинг эришган ютуқлари буни тасдиқлаб турибди. У ҳатто ўзининг имконияти даражасидан паст ўйнаса ҳам ғалабани туҳфа эта олади. Усиз биз ҳозир эришган нарсаларга эриша омасдик. Ҳар хил гап-сўзлар эса бизни чалғита олмайди.
Одамлар Месси учун чипта харид қилишади ва болалар айнан у учун "Барселона"га ишқибозлик қилишади. Менга худди шундай иккинчи футболчини топиб берингчи?! Мен ўзим ҳаётимда бундай футболчини кўрмаганман", - дейди Marca газетаси Гвардиола сўзларидан парча келтириб.

Пеле: Месси – бугунги кундаги дунёнинг энг яхши футболчиси

Grand — Thu, 27 Oct 2011 21:02:23 GMT

Футбол Қироли бразилиялик Пеленинг фикрига кўра, ҳар бир даврнинг ўз буюк футболчиси бўлар экан. Бу ҳақида яқиндагина ўзининг 71 ёшини қаршилаган футболнинг тирик афсонаси «Sky Sports»га берган интервьюсида.
«Ҳар бир даврнинг ўз қаҳрамонлари, ўзининг буюк истеъдодлари бўлади. Охирги ўн йилликларда бу футболчилар Диего Марадона, Мишель Платини ва Зайниддин Зидан, Роналдино эди. Энди эса Мессининг даври келди. У дунёдаги энг яхши футболчи» дейди Пеле.

Фабрегас: Бошимни тикиб айтаман, бу йил «Олтин тўп»ни Месси қўлга киритади

Grand — Thu, 27 Oct 2011 21:00:21 GMT

Каталониянинг «Барселона» жамоаси ярим ҳимоячиси Сеск Фабрегас навбатдаги «Олтин тўп»нинг соҳиби ким бўлиши ҳақида шубҳаланмаётганини айтиб ўтди.
Испания терма жамоаси футболчисининг айтишича, бу Лионель Месси бўлади.
«Мессининг номзоди ҳақида ҳеч қандай гап-сўз ҳам бўлиши керак эмас. У ҳар доимгидек ажойиб ўйин намойиш этмоқда. Агар «Олтин тўп» соврини бошқа бировга топширилса, бу адолатсизлик бўларди. Лео жуда зўр футболчи, бошимни тикиб айтаманки, айнан у «Олтин тўп»ни қўлга киритади» дейди Фабрегас.

Беккенбауер: "Барселона"нинг асосий рақиби – бу "Барселона"нинг ўзи"

Grand — Thu, 27 Oct 2011 20:55:52 GMT

"Бавария" фахрий президенти Франц Беккенбауер сўнгги йилларда жуда кўп унвонларни қўлга киритган "Барселона"нинг асосий муаммоси ҳақида гапириб ўтди.

"Барселона"нинг асосий рақиби – бу "Барселона"нинг ўзи. Нима учун? Агар оддийгина қилиб тушунтирадига бўлсам, улар кўплаб унвонларни қўлга киритигган ва чиройли ўйин кўрсатишади. Агар улар бундан пастроқ натижа кўрсатадиган бўлишса, бунга ишқибозлар ҳеч ҳам кўнишмайди.

Ҳозирги жамоа – мен ҳаётим давомида кўрган энг кучли клуб. Айнан шу туфайли Испания Евро-2008 ва ЖЧ-2010да ғалаба қозонди", - деб афсонавий немис футболчисининг сўзларидан парча келтиради El Mundo Deportivo.

Barcelona vs Granada

Grand — Tue, 25 Oct 2011 20:17:04 GMT

Barcelona 1:0Granada

Xavining yagona goli Barcelonaga g'alaba keltirdi!

G'alaba muborak aziz do'stlar!

«Гранада» - «Барселона». Гвардиола ўйиндан олдин

Grand — Tue, 25 Oct 2011 20:15:22 GMT

Пеп Гвардиола ушбу мавсумда "Барса” футболчилари бошига тушаётган жароҳатларни сўнгги йиллардаги "катта жисмоний куч сарфи” билан боғлиқлигини таъкидлади.

Мураббий Карлес Пуйолнинг "Гранада” билан ўтадиган учрашув қайдномасига нима сабабдан киритилмаганлиги тўғрисидаги саволдан кейин бу мавзуни кўтарди.

"Жисмоний оғирликларни жудаям эҳтиёткорлик билан тақсимлаб боришимизга тўғри келади. Мана тўрт йилдан буён ҳар мавсум 60тадан учрашув ўтказиб келяпмиз. Булар қаторига Европа ва Жаҳон чемпионатлари ўйинлари, узоқ сафар машаққатлари қўшилади... Бу жудаям катта куч сарфи дегани. Катта меҳнат футболчилар қувватини емиради. Жароҳатларнинг асл сабаби айнан шунда. Улар бу оғирликни тўрт йилдан буён ўз елкаларида кўтариб туришибди ва бирин-кетин кўплаб ўйинлар, машғулотларни ўтказишяпти. Бундай шароитда у қадар кўп жароҳатланмаётганимизга хурсандман”, - деди Гвардиола.

Шу билан бирга "Барса” мураббийи Пуйолнинг муаммолари жуда кичиклигини ва сардор шу ҳафта охиригача сафга қайтишини таъкидлаб ўтди.

Шунингдек, Пеп жиддий равишда Давид Вильяни ҳимоя қилиб чиқди. Сўнгги вақтларда ҳужумдаги имкониятлардан самарали фойдалана олмаётган Вилья танқидларга учраганди. Каталонияликлар мураббийи Давидга миннатдорчилик билдирди ва усиз "Барса” ҳозиргидек ўйин кўрсата олмаган бўларди, деб айтди.

"Бутун фаолиятим давомида қўл остимда Давид каби футболчилар кўпроқ бўлишини истардим. У жаҳон ва Европа чемпионатида ғолиб бўлган, у Испания терма жамоаси тарихидаги энг яхши тўпурар ва қаерда ўйнашидан қатъи назар кўплаб ва муҳим голларни ура олади. Бизда у кўпинча жамоадаошлари ўз вақтида тўп етказиб бермаса-да, доим бўш ҳудуд қидиради ва кўп югуради. Ва унинг саъй-ҳаракатлари эвазига биз яхши футбол намойиш эта оламиз. Бошқалар бундай қила олишмасди”, - дея фикр билдирди мураббий.

Гвардиола Лео Месси исмини ҳам тилга олиб ўтди ва аргентиналик футболчи "Барса”га уч очко келтириши мумкин бўлган пеналтини ура олмаганидан тушкунликка тушмаганини билдирди. "Леони кайфияти жойида, ҳозир тикланяпти ва келгуси учрашувда тўлиқ куч билан ўйин ўтказишга тайёр. Ҳар уч кунда битта ўйин ўтказар экансан, ниманидир узоқ ўйлашга вақт қолмайди, ишлашда давом этиш лозим. Бунақа ҳолатлар футболда бўлиб туради. Мухлислар ҳам учрашув якунида уни қўллаб-қувватлашларини намойиш қилишди”, - таъкидлади у.

Журналистларнинг саволига кўра, мураббий Кануте ва Фабрегас можаросига ҳам муносабат билдирди: "Улар бу ҳолатни телефон орқали ўзаро ҳал қилиб олишди. Камералар ҳаммасини кўрсатди ва бу ҳақда ортиқча гапириш бефойда”.

Эслатиб ўтамиз, "Барселона” бугун чемпионатнинг навбатдаги турини "Гранада”га қарши ўтказади. Сафар учрашувига Гвардиола қуйидаги футболчиларни таклиф қилган:

Вальдес, Пинто, Алвес, Фабрегас, Хави, Вилья, Иньеста, Месси, Тьяго, Маскерано, Кейта, Бускетс, Педро, Максвелл, Адриано, Абидаль, Фонтас, Монтойя ва Куэнка.

Алексис Санчес ноябрда сафга қайтади

Grand — Tue, 25 Oct 2011 20:13:33 GMT

Каталониянинг "Барселона" клуби ярим ҳимоячиси Алексис Санчес ноябрь ойининг ўрталарида жароҳатидан батамом ҳалос бўлиб, майдонга тушиши кутилмоқда. Футболчи Чили терма жамоаси сафида 2014 йили бўлиб ўтадиган жаҳон чемпионати учун ўтказилаётган саралаш баҳсида сафга қайтиши мумкин.

Футболчининг тизза ости пайларидан олган жароҳати анча тузалиб қолган. Ўз навбатида каталонияликлар бош мураббийи Хосеп Гвардиола ҳам агарда футболчи жароҳатидан тузалганидан сўнг, энг аввало клубда эмас, Чили терма жамоасида майдонга тушадиган бўлса, бунга қаршилик қилмаслигини билдириб ўтган.

Эслатиб ўтамиз, Алексис Санчес сентябрь ойидан буён жароҳатини даволатиш билан банд. У Испания чемпионатининг учинчи турида "Реал Сосьедад" клубига қарши ўтказилган учрашувда жароҳат олган эди.

«Барселона» мутахассислари Озарбайжон футболчиларини кўрикдан ўтказади

Grand — Tue, 25 Oct 2011 20:12:37 GMT

Каталониянинг "Барселона" клуби селекциячи-мураббийлари 29 ва 30 -октябрь кунлари Озарбайжондаги "Турон" клуби қароргоҳига етиб келиши кутилмоқда. Каталониялик мутахассисларнинг Озарбайжонга ташрифидан кўзланган мақсад - маҳаллий футболчиларни кўрикдан ўтказиш.

Каталониялик селекциячи-мураббийлар икки кун давомида ёш футболчиларни кўрикдан ўтказиш билан банд бўладилар. Бу ишларнинг якуни сифатида, 14 ёшдан 16 ёшга қадар бўлган 11 нафар ёш футболчи Каталонияга икки йиллик таълим олиш учун жўнатилади.

Шартнома бўйича футболчилар "Турон" клубига тегишли бўлиб тураверадилар. Сабаби, бу футболчиларнинг таълим олиши учун кетадиган ҳаражатлар клуб томонидан қопланади.

Шу ўринда таъкидлаб ўтиш лозим, каталонияликлар делегациясига Христо Стоичков бошчилик қилиш кутилмоқда.

«Олтин тўп»га даъвогарларнинг кенгайтирилган рўйхатидан «Барселона»нинг 10та футболчиси жой олди

Grand — Tue, 25 Oct 2011 20:11:19 GMT

Бу йилги «Олтин тўп» совринига даъвогарларнинг кенгайтирилган рўйхати эълон қилинди. Бу рўйхатга «Барселона»дан бир йўла 10 нафар футболчи киритилган.
Булар Лионель Месси, Андрес Иньеста, Хави, Франсеск Фабрегас, Херард Пике, Карлес Пуйоль, Давид Вилья, Даниэль Алвес, Эрик Абидаль и Алексис Санчеслардир.
Бундан ташқари рўйхатда қуйидаги футболчилар бор: Икер Касильяс, Криштиану Роналду, Хаби Алонсо, Месут Ўзил, Сами Хедира (барчаси– «Реал»дан), Давид Сильва, Серхио Агуэро (иккаласи – «Манчестер Сити»дан), Уэйн Руни, Хавьер Эрнандес (иккаласи – «Манчестер Юнайтед»), Луис Суарес («Ливерпуль»), Рафаэль ван дер Варт («Тоттенхэм»), Робин ван Перси («Арсенал»), Бастиан Швайнштайгер, Филипп Лам, Марио Гомес, Томас Мюллер, Франк Рибери (барчаси – «Бавария»дан), Диего Форлан, Уэсли Снейдер (иккаласи – «Интер»), Мирослав Клозе («Лацио»), Антонио ди Натале («Удинезе»), Неймар («Сантос»).
Шунингдек, ушбу кенгайтирилган рўйхатдан ҳамюртимиз Одил Аҳмедовнинг жамоадоши Самюэль Это’О («Анжи») ҳам ўрин олган.
Эслатиб ўтамиз, ғолиб чиққан учта футболчи 5 декабрь куни аниқланади. Уларга 2012 йилнинг 9 январь куни мукофотлар топширилади.

Barcelona vs Sevilla

Grand — Sun, 23 Oct 2011 20:24:28 GMT

Жуда кизикарли уйинда Барселонага омад етишмади холос!

БАРСЕЛОНА – СЕВИЛЬЯ – 0:0 (0:0)
БАРСЕЛОНА: Вальдес, Дани Алвес, Маскерано, Абидаль, Адриано, Алькантара (Фабрегас, 74), Хави (Бускетс, 88), С. Кейта (Педро, 62), Иньеста, Месси, Вилья.
СЕВИЛЬЯ: Хави Варас (10), М. Касерес, Фасио, Эскюде, Ф. Наварро, Арментерос, Медель, Навас, Кампанья (Ракитич, 71), Троховски (Коке, 62), Ману (Кануте, 67).
Огоҳлантиришлар: Навас (42), Маскерано (46), Хави Варас (57), Медель (66), М. Касерес (68), Иньеста (75), Эскюде (90), Кануте (90), Фасио (90), Ф. Наварро (90).
Четлатишлар: Ф. Наварро (90), Кануте (90).